وداع يا خوف.....بقلم الشاعر صبري رسلان

وداع  يا  خوف 
........................
إن كنت ناوي عالفراق
بلاش تقرب  ..
وسبني ألملم في الجراح
ويارب  صبر  ..
أحلام كتير جنب اللي راح
ودق خوف والقلب  ناح
عايشه بروح مكسور جناح
مش لاقيه  نفسي
وإحساسي  رااااح
لا أمس ساب نسمه ورود
ولا بكره صادق في  الوعود
بيقولوا عيبك في الغرور
ولاغيه أمسك من الحضور
شاطبه  كمان كل السطور
قلبك أناني زاد في الجحود
يا ناس أنا اللي عايشه فيه
وإحساسي مين يحس بيه
الشكل ممكن  يخدعك
كيوبيد  بسهمه   يطعنك   
مش عشق  لا  .. ليوجعك
ويبكي فيك ..  ويوقعك   
الحب مش كلمه وحروف
إحساس أمان بيدفي روح
مش همس خوف    ..
وشموع  ليالي تنزف جروح
وإعدام  لروح  ..
إن كنت ناوي  ع  الفراق 
بلاااااش  تقرب  ..
وسبني أرمم في اللي راح
وأداوي نفسي من الجراح
وكل شئ ما بينا  فات
بقى  ذكرى   عندي
وربيعها  مات  
ووداع  يا  خوف   ..
بقلم  .. صبري رسلان